Қазақстан Республикасының өтініші бойынша тәжік тарапы «Бахри Точик» су қоймасынан қосымша жіберетін болады.
Душанбе қаласында Халықаралық Аралды құтқару қоры (ХАҚҚ) басқармасының отырысы аясында Қазақстан мен Өзбекстанның екіжақты кездесуі өтті, деп хабарлайды Almaty-akshamy.kz ҚР Экология, геология және табиғи ресурстар министрлігінің мәліметіне сүйене отырып.
Кездесуге Қазақстан тарапынан ҚР Премьер-Министрінің орынбасары Роман Скляр мен ҚР Экология, геология және табиғи ресурстар министрі Мағзұм Мырзағалиев, ал Өзбекстаннан Премьер-Министрдің Орынбасары Ш. Ғаниев, Өзбекстан Республикасы Су шаруашылығы министрі Ш. Хамраев қатысты.
Кездесу барысында тараптар су шаруашылығы саласындағы ынтымақтастық мәселелерін талқылады, сондай-ақ қолайлы вегетациялық кезеңді өткізу бойынша пікір алмасты.
Шардара су қоймасындағы су шаруашылығы жағдайын жақсарту мақсатында тараптар Өзбекстан Республикасының аумағы арқылы кедергісіз су транзитінің мәселесін талқылады.
Аталған су көлемін Қазақстан Республикасының өтініші бойынша тәжік тарапы «Бахри Точик» су қоймасынан қосымша жіберетін болады.
Бұдан өзге, министр Мағзұм Мырзағалиев трансшекаралық су объектілерін бірлесіп басқару және пайдалану туралы келісім жобасын келісуді аяқтаудың маңыздылығын атап өтті.
Кездесу нәтижесінде тараптар трансшекаралық су объектілерін бірлесіп басқару және пайдалану туралы келісімді талқылау жөнінде кеңес өткізуге келісті.