Атом электр станциясы тұрақты энергетиканы қамтамасыз етеді. Инвесторлар үшін тұрақты электр энергиясы маңызды, өйткені зауыттардың тоқтаусыз жұмыс істеуі қажет.
Экспорттық шарттарды орындау да осы тұрақты энергияға байланысты. Егер біз әлемдік деңгейдегі зауыттарды тартқымыз келсе, оларға тұрақты энергия көзін ұсынуымыз керек.
Қазір әлемдегі ірі елдер АЭС-тен бас тартпайды. Біз атом электр станциясы құрылысына қатысты тиісті талдаулар жасадық. Қазақстанға соңғы технологиялар негізіндегі станция қажет.
Оны Оңтүстік Корея, Ресей, Қытай және Франциядағы компаниялар жүзеге асыра алады. Біз АЭС салатын елдерді іріктегенде, станция жабдықтарының басым бөлігі сол елде өндірілетініне назар аударуымыз керек.
Сонымен қатар, болашақта бұл елдер бөлшектерді қамтамасыз етуде қиындық туғызбауы тиіс. Сондықтан осы маңызды аспектілерге ерекше мән беру қажет.