2024 жылы Қазақстанға 15,9 мың тонна киім әкелініп, оның құны 2,2 миллиард АҚШ долларын құрады. Бұл өткен жылмен салыстырғанда көлемі бойынша 13%-ға, ал ақша тұрғысынан 36,6%-ға төмендеген. Алайда, импорт көлемінің қысқарғанына қарамастан, баға өскені тоқтар емес, деп хабарлайды aqshamnews.kz.
ТМД елдерінен 49,8 мың тонна киім импортталды, бұл 2023 жылмен салыстырғанда 21,7%-ға артық. Ең ірі жеткізушілер қатарында Ресей (28,7 мың тонна), Өзбекстан (28,7 мың тонна), Беларусь (20,1 мың тонна), Қырғызстан (694,4 тонна) және Тәжікстан (105,3 тонна) бар.
ТМД елдерінен тыс жерлерден әкелінген киім импорты 23%-ға қысқарып, 109,9 мың тоннаны құрады. Негізгі жеткізушілер — Қытай (85,5 мың тонна), Түркия (15,3 мың тонна) және Бангладеш (4,7 мың тонна).
Бағаларға қатысты, 2025 жылдың қаңтар айында Қазақстандағы сырт киім бағасы 2024 жылдың қаңтарымен салыстырғанда 10%-ға өсті. Бағаның ең көп өсуі Түркістан (19,1%), Шығыс Қазақстан (15,6%) және Абай (13,8%) облыстарында байқалды. Павлодар және Жамбыл облыстарында ең төменгі жылдық баға өсуі тіркеліп, әрқайсысында 5,4%-ды құрады.
Ерлер киімі орта есеппен 9,9%-ға, әйелдер киімі 10,3%-ға, балалар киімі 9,7%-ға қымбаттады.