Еуразиялық экономикалық комиссияның статистикасы бойынша, Қазақстанға жұмыс істеуге баратын ресейліктердің саны екі есеге өскен, деп хабарлайды Аlmaty-akshamy.kz Tengrinews.kz-ке сілтеме жасап.
Мәселен, егер 2021 жылы Қазақстанға жұмысқа орналасу мақсатында Ресейдің 31 600 азаматы келсе, былтыр 63 000 ресейлік келген.
Еңбек көші-қоны және халықты әлеуметтік қорғау департаментінің директоры Алтынай Өмірбекованың айтуынша, статистика тек жұмыс істеу мақсатында келген жұмыс істейтін адамдар бойынша жүргізіледі.
«Біз статистиканы тек жұмысшыларға, яғни белгілі бір елге белгілі бір мақсатпен жұмыс істеуге келген адамдар туралы ғана жүргіземіз, олар тіркеу кезінде еңбек шартын жасайтын адамдар. Мақсаты жұмысқа орналасу болғандарды ғана жазамыз», - деді Алтынай Өмірбекова.