Тыйым салу туралы шешім ведомствоаралық комиссияның отырысында қабылданды. Бұл мәселе бойынша тиісті құжат Ауыл шаруашылығы
министрлігімен дайындалып, «Ашық НҚА» порталында жарияланды, деп хабарлайды aqshamnews.kz
Құжаттың қоғамдық талқылауы 20 наурызға дейін жалғасады.
Жұмыртқа импортына енгізілген тыйым барлық елдерді, соның ішінде Еуразиялық экономикалық одақ елдерін де қамтиды. Алайда, ЕАЭО елдерінен Қазақстанға жеткізіліп жатқан өнімдер ғана транзиттік жолмен өтеді және олар шекараны кесіп өтуіне рұқсат етіледі.
Бұл шара Қазақстанның ішкі нарығын қорғау, отандық өнім өндірушілерді қолдау және сауда саясатын тиімді реттеу мақсатында енгізілген. Жұмыртқа өнімдерінің импортына тыйым салу Қазақстандағы ауыл шаруашылығы өндірісін арттыруға мүмкіндік беруі тиіс.