Қазақстанда зейнетақы жинақтарын басқару тәртібіне өзгеріс енгізу ұсынылып жатыр. Енді салымшыларға жинақтарының 100 пайызын жеке басқарушы компанияларға беру мүмкіндігі қарастырылып отыр, – деп хабарлайды aqshamnews.kz тілшісі.
Қазақстанда зейнетақы жинақтарын басқару тетігін өзгерту мәселесі талқыланып жатыр. Жаңа ұсынысқа сәйкес, салымшылар болашақта зейнетақы жинағының 100 пайызын жеке басқарушы компанияларға сеніп тапсыра алады.
Бұған дейін мұндай мүмкіндік 50 пайызбен шектелген еді. Агенттік өкілдерінің айтуынша, бұл азаматтарға өз қаражатын басқаруда көбірек еркіндік береді.
Сонымен қатар, бұл міндетті талап болмайды. Яғни салымшылар қаржысын бұрынғыдай мемлекеттік басқаруда қалдыра алады.
Мамандардың сөзінше, зейнетақы активтерін басқару тек кәсіби инвестициялық компанияларға беріледі. Бұл қаражатты тиімді пайдаланып, экономикаға оң әсер етуі мүмкін.