Қаржылық аударым жүйесі арқылы шетелден Қазақстан Республикасына келетін қаражат көлемі айтарлықтай азайған.
Ағымдағы жылдың қаңтар айында шетелден Қазақстан Республикасына қаржылық аударым жүйесі арқылы жіберілген қаражат көлемі 13,6 млрд теңгені құрады, бұл 2021 жылдың қаңтарымен салыстырғанда 30,5%-ға аз, деп хабарлайды Almaty-akshamy.kz Finprom.kz сайтына сілтеме жасап.
Сәйкес кезеңдегі бұл көрсеткіш үшінші жыл қатарынан төмендеп келеді.
Шетелден Қазақстан Республикасына қаржылық аударым жүйесі арқылы аударылған қаржының үштен екісіне жуығы АҚШ долларымен жіберілген (2022 жылғы қаңтарда – жалпы аударым көлемінің 63,9%-ы). Одан кейінгі орында тұрған ұлттық валюта – теңгемен жасалған аударымдар жалпы аударым көлемінің 25%-н құрады. Ал рубльмен жасалған аударымдар үлесі төртінші жыл қатарынан азайып келеді; 2022 жылдың қаңтарында ол небәрі 6,1%-ды құрады, еуроның үлесі 4,9%-ды құрады.
АҚШ валютасымен алынған бір аударым бойынша орташа чек бір жыл ішінде 780 доллардан 758 долларға дейін төмендеді. Теңгедегі бір аударым бойынша орташа чек, керісінше, 127,7 мыңнан 190,9 мың теңгеге дейін өсті. Ресей валютасындағы бір аударым бойынша орташа чек те– 22,5 мыңнан 23,6 мың рубльге дейін өсті. Еуровалютадағы бір аударымның орташа чегі 436 еуродан 400 еуроға дейін төмендеді.
2022 жылдың қаңтарында Қазақстан Республикасына қаржылық аударым жүйесі арқылы жіберілген ақшаның ең көп көлемі Өзбекстаннан жөнелтілген – жалпы сомасы 2,5 млрд теңге.
Одан кейінгі орындарда Оңтүстік Корея (2,1 млрд теңге) және АҚШ (1,9 млрд теңге) тұр. Бұған дейін көш бастап келген Ресей 2022 жылдың қаңтарында небәрі 1,6 миллиард теңге аударыммен төртінші орынға ие болды.
