Premium-аккаунт иелері видеоларды жарнамасыз көре алады.
Елімізде YouTube Premium іске қосылады, деп хабарлайды Аlmaty-akshamy.kz
Бұл туралы Цифрлық даму министрі Бағдат Мусин өзінің фб парақшасында жазды.
«Кремний алқабында YouTube компаниясының өнімді басқару жөніндегі вице-президенті Адам Смитпен келіссөздер жүргіздім. Ынтымақтастық перспективалары мен компанияның Қазақстандағы түрлі сервистеріне қолжетімділікті кеңейту мәселесі талқыланды», - деп жазды министр.
Айта кетелік, YouTube өкілдері биылғы жылы Қазақстанда YouTube Premium іске қосылатынын ресми түрде жариялады. Бұл біздің нарықтың ірі технологиялық компаниялар үшін барынша тартымды болып келе жатқанының көрсеткіші.
«Premium-ге өту мүмкіндігі біздің елде бұрын қолжетімді болмаған YouTube сервистеріне қол жеткізуге мүмкіндік береді. Premium-аккаунт иелері видеоларды жарнамасыз көре алады және оларды жүктеп алып, интернетсіз де қарай алады және т. б. мүмкіншіліктер бар», - деп жазды министр фейсбук парақшасында.