Қазақстандықтар көбінесе Алматы, Шымкент және Нұр-Сұлтан қалаларына ұшақпен жетуді қалайды.
2022 жылдың алғашқы төрт айында 2 миллион 600 мың адам діттеген жеріне ұшақпен жетуді жөн көрген, деп хабарлайды Almaty-akshamy.kz Qazaqtv.com сайтына сілтеме жасап.
Бұл былтырғы көрсеткіштен шамамен 3 жарым процентке көп. Бұған қоса, коронавирус пандемиясына дейінгі кезеңдегімен салыстырғандағы өсім 20 процентке тең.
Отандық әуе компаниялардың жыл басынан бергі кірістері 120 миллиард теңгеге жуықтаған. Бұл көрсеткіштер қазақстандық әуе саласы қарқынды дамып келетінін көрсетеді. Сонымен қатар, біздің әуе тасымалдаушы компаниялар Еуропа мемлекеттеріне еш шектеусіз ұша алатынын айта кеткен жөн.