Өңірлік коммуникациялар қызметінің баспасөз конференциясында Әділет департаментінің басшысы Балаим Кесебаева мәлімдегендей, Әділет министрлігі Нотариаттық палатамен бірлесіп бірқатар нотариалдық қызметтерді онлайн-форматқа көшірді. Енді азаматтар нотариусқа бармай-ақ сенімхаттарды, ерлі-зайыптылардың келісімдерін рәсімдеп, бейнеқоңырау арқылы заңгерлік кеңес ала алады, деп хабарлайды aqshamnews.kz
«Нотариаттық қызметтердің цифрландырылуының арқасында азаматтар үйден шықпай-ақ шамамен 200 мың сенімхат пен 70 мың ерлі-зайыптылар келісімін рәсімдеді», – деді Балаим Кесебаева.
Барлық рәсімделген құжаттар автоматты түрде «Цифрлық құжаттар» сервисіне жүктеледі және оларға ыңғайлы қолжетімділікті қамтамасыз етеді.
Жеке тұлғаны сәйкестендіру үшін биометрия қолданылады, бұл сырттай ұқсас тұлғаларды танудағы қателіктерді болдырмауға мүмкіндік береді. Қосымша қауіпсіздік мақсатында SMS-код пен ЭЦҚ арқылы екі факторлы аутентификация қарастырылған.