Ішкі істер министрі Ержан Сәденовтің айтуынша, келісімге президенттің Арменияға 2024 жылғы сәуірдегі ресми сапарында қол қойылған, деп хабарлайды aqshamnews.kz
Бұрын мұндай ереже тек Ресей мен Қырғызстанға бару үшін жарамды болатын.
Парламент Мәжілісі Қазақстан Үкіметі мен Армения Үкіметі арасындағы азаматтардың сапарлары мен болу тәртібі туралы келісімді ратификациялау туралы заңды қабылдады, деп хабарлайды Azattyq Rýhy.
«Құжатқа сәйкес, мемлекет азаматтарының елде 30 күн болғаннан кейін полицияда тіркелу міндеті енгізіліп отыр. Қазір олар полицияға бармай 90 күн бола алады. Бұл норманы енгізу көші-қон бақылауының тиімділігін арттырады. Сондай-ақ келісімде ұлттық заңнамаларға сәйкес 90 күннен астам елде болу мерзімін ұзарту мүмкіндігі көзделген. Уақытша тұруға рұқсат алу жеткілікті. Осылайша, екі жақ үшін визалық режим жойылады. Бұл азаматтардың елдерге келу кезінде шығындарын азайтады», - деді Сәденов.
Сонымен қатар елге кіру үшін қажетті құралдар тізбесіне мыналар енгізіледі:
Армения азаматтары үшін сәйкестендіру картасы;
Қазақстан азаматтары үшін жеке куәлік.
Осылайша, қазақстандықтар Арменияда ішкі құжатпен жүре алады. Бұрын мұндай ережелер тек Ресей мен Қырғызстанға бару үшін жарамды болатын
«Осындай тәжірибе бар. Қазақстан азаматтары жеке куәлікпен Ресей мен Қырғызстанға еркін кіре алатын. Бұл шара келу және болу тәртібін жеңілдетеді. Содай-ақ паспорт рәсімдеу шығынын азайтады»,- дейді ведомство басшысы.
ІІМ басшысының ақпаратынша, жыл басынан бері Қазақстанға Арменияның 12 мыңға жуық азаматы келген.
Армения тарапы келісімді былтыр 15 қарашада ратификациялаған.