Алғашқы 100 қазақстандық студент Satbayev University базасында ашылған CityU (CityUHK Institute of Research and Innovation - CIRI), зерттеулер және инновациялар институтында оқуды бастады, деп хабарлайды aqshamnews.kz
Салтанатты рәсімге ҚР Ғылым және жоғары білім вице-министрі Динара Щеглова, Алматы әкімінің орынбасары Азамат Қалдыбеков, ҚХР Бас консулы Цзян Вей және басқа да ресми тұлғалар қатысты.
Satbayev University ректоры Мейрам Бегентаев институттың ашылуы Қазақстанда жоғары білім мен ғылымның сапасын арттыру жөніндегі мемлекеттік бағдарламаның бір бөлігі екенін атап өтті. Cityu-мен серіктестіктің арқасында қазақстандық студенттер әлемнің жетекші зерттеу жоғары оқу орындарының бірінде білім ала алады.
City QS рейтингінде 62-ші орында және Times Higher Education бойынша әлемдегі ең үздік 100 университеттің қатарына кіреді. CityU-дің 170-тен астам оқытушылары планетаның ең көп сілтеме жасаған ғалымдарының 2% - на енеді (Стэнфордтың мәліметі бойынша).
«Алматыда Халықаралық университет кампусының ашылуымен құттықтаймын. Бұл студенттерге сапалы білім алуға мүмкіндік беріп, ғылым мен инновация үшін жаңа мүмкіндіктер туғызатынына сенімдімін», - деп атап өтті Азамат Қалдыбеков өз сөзінде.
Ашылу күні Қазақстанда топ-100 шетелдік ЖОО-мен қос диплом туралы алғашқы PhD-шарт іске қосылды. Бұрын мұндай келісімдер тек бакалавриат пен магистратураға қатысты болатын.
Бұрын қол қойылған келісімге сәйкес жоғары оқу орындары материалтану, жасанды интеллект және азаматтық құрылыс салаларында «2+2» (бакалавриат) және «1+1» (магистратура) сызбалары бойынша бірлескен бағдарламаларды іске асырады.
Оқыту ағылшын тілінде жүргізіледі, студенттер Ғылым және жоғары білім министрлігінің гранттары бойынша оқиды. Алғашқы екі жыл - Алматыда, қалғандары - Гонконгта. PhD-студенттер сонымен қатар жетекші халықаралық зертханаларда тағылымдамадан өте алады.
Институттың ашылуы Мемлекет Басшысы Қасым-Жомарт Тоқаевтың шетелдік жоғары оқу орындары филиалдарының санын ұлғайту туралы тапсырмасын орындау аясында өтуде. Жаңа институт трансшекаралық ғылыми ынтымақтастық пен әлемдік деңгейдегі кадрларды даярлау алаңына айналады. Бұл Қытайдан тыс жерде құрылған CityU-дің алғашқы