Қытайдың Ханчжоу қаласында өтіп жатқан Азия ойындарында қазақстандық боксшы Қамшыбек Қоңқабаев жартылай финалға жолдама алды.
Қазақстандық боксшы аса ауыр салмақ санатында бахрейндік Данис Латыповпен күш сынасты, деп хабарлайды Almaty-akshamy.kz ҚазАқпаратқа сілтеме жасап.
Қамшыбек үшінші раундта нокдаун алып қалғанына қарамастан, қарсыласын ұтты. Төрешілер есебі – 5:0.
Осылайша, Қ.Қоңқабаев кемінде қола медаль алады.
Бокстан Қазақстан ерлер құрамасының бас бапкері Мырзағали Айтжанов Қамшыбектің жекпе-жегі туралы пікір білдірді.
"Қарсыласы - Азиядағы мықтылардың бірі. Кездесу тартысты болды. Кем-кетік те болмай қалған жоқ, бір-екі соққы жіберіп алды. Мұның бәрі - алдағы кездесулерге дайындық", – деді ол.
Бүгін Жайна Шекербекова 54 келіге дейінгі салмақта үндістандық Притиге 1:4 есебімен жол беріп, жүлдесіз қалды.
Кешкі сессияда Қазақстаннан тағы үш боксшы рингке шығады.