Қазақ ұлттық хореография академиясының студенті Әбілмансұр Сырманов IХ Бейжің халықаралық балет конкурсының жеңімпазы атанды, деп хабарлайды aqshamnews.kz
Байқау 21-27 қазан аралығында өтіп, оған 10 елден келген 57 қатысушыны қатысқан. Әбілмансұр «Жизель» балетіндегі Альберттің вариациясын және заманауи хореография қойылымын орындады.
Оның өнері көрермендердің ыстық ықыласына бөленіп, қазылар алқасы ең жоғары балл қойды. Ол осының нәтижесінде алтын медаль жеңіп алды.
Айта кетейік, Әбілмансұр Сырманов Венгриядағы Budapest Ballet Grand Prix 2025 жарысында да жоғары баға алған еді. Еуропаның бірқатар мектебі мен жобасы оны оқу, тағылымдама және қойылымдарға қатысу үшін шақырған.