Қазақстандық сумоист Ерсін Балтағ Император кубогында көш бастады, деп хабарлайды aqshamnews.kz
Қазақстандық сумоист Ерсін Балтағ (сахнадағы есімі — Кимбодзан Хируки) Жапонияда өтіп жатқан Император кубогының қаңтар айындағы басё турнирінде үздік нәтиже көрсетіп, тарихта алғаш рет көшбасшы атанды. Ерсіннің бойы 190 см, салмағы 180 кг.
Токионың әйгілі «Кокугикан» сумо сарайында өткен бұл турнир ұлттық күрестің элиталық дивизионы үшін аса маңызды. Ерсін Балтағ тоғыз тур қорытындысы бойынша бірде-бір жеңіліссіз турнир кестесін бастап тұр.
Ерсіннің ең жақын қарсыластары — моңғолдық Тиёсёма (8-1) және жапондықтар Охо мен Такэруфудзи (7-2). Турнир 26 қаңтарда аяқталады, ал спортшыларға әлі бес кездесуге қатысу қажет.
Сурет «Дядя Ваня» телеграм-арнасынан
Кимбодзан Хируки — элиталық дивизионға жолдама алған және Император кубогында көш бастаған алғашқы қазақстандық сумоист. Бұл оның спорттағы ерекше жетістігінің және ел үшін мақтаныш боларлық сәттің дәлелі.