Бағдарлама шетелдік студенттерді қолдауға бағытталған.
Қазақстандық студенттер Türkiye Bursları гранттық бағдарламасы аясында Түркияның мемлекеттік университеттерінде оқитын болды, деп хабарлайды aqshamnews.kz
Ғылым және жоғары білім министрлігінің мәліметінше, аталмыш бағдарлама – Түркияда жоғары білім алу үшін толық қаржыландыруды қамтамасыз ете отырып, шетелдік студенттерді қолдауға бағытталған негізгі бастамалардың бірі.
«Әлемнің түкпір-түкпірінен талантты талапкерлерге арналған Türkiye Bursları бағдарламасы 1991 жылдан бері жұмыс істейді. Осы уақытқа дейін Қазақстаннан бұл грантты 9 мыңнан астам студент иеленген еді»,-делінген министрлік хабарламасында.