Forbes Kazakhstan ең ықпалды қазақстандық бизнесмендердің жаңартылған рейтингін жариялады, деп хабарлайды aqshamnews.kz.
Бірінші орынға KAZ Minerals компаниясының басшысы Владимир Ким қайта оралды. Өткен жылы бұл орынды Вячеслав Ким иеленген болатын, ал биыл ол екінші орынға жайғасты.
Болат Өтемұратов екінші орыннан үшінші орынға түсті.
Сонымен қатар, Тимур Турлов пен Нұрлан Смағұлов бесінші және жетінші орындардан көтеріліп, сәйкесінше төртінші және бесінші орындарға шықты.
Рейтингтегі топ-5:
1. Владимир Ким – KAZ Minerals компаниясының басшысы.
2. Вячеслав Ким – Kaspi.kz басшысы.
3. Болат Өтемұратов – белгілі қазақстандық кәсіпкер.
4. Тимур Турлов – Freedom Holding Corp компаниясының басшысы.
5. Нұрлан Смағұлов – Astana Group иесі.
Рейтингке жаңа тұлғалар қосылды:
Марат Жұман, Atasu Group транспорттық-логистикалық холдингінің басшысы (46-орын);
Рауан Кенжеханұлы, Bilim Media Group және Online Mektep жобаларының негізін қалаушы (50-орын);
Арсен Томский, inDrive компаниясының негізін қалаушы (16-орын).
Сонымен қатар, бес адам рейтингке қайта оралды:
Гаухар Қаппарова, Lancaster Group компаниясының тең иесі;
Алмас Мынбаев, Nomad Life және Номад Иншуранс акционері;
Владимир Джуманбаев, АК Алтыналмас және Казахалтын компанияларының иесі;
Сергей Кан, ЦАТЭК және ЦАЭК компанияларының иесі;
Михаил Ломтадзе, Kaspi.kz басшысы.
Бұл рейтинг қазақстандық бизнес әлеміндегі өзгерістер мен жаңа трендтерді көрсетеді.