Қазақстанның «Азаматтар үшін Үкімет» мемлекеттік корпорациясы елдегі Халыққа қызмет көрсету орталықтарында орын алған жаппай ақау туралы мәлімдеді. Бұл ақау жүйенің жұмыс жылдамдығының төмендеуінен туындаған және оның салдарынан мемлекеттік органдардың Серверлік орталығының инфрақұрылымы зақымданған, деп хабарлайды aqshamnews.kz
Tengrinews.kz хабарлағандай, ақау әсерінен бірқатар ХҚКО-тарында қызмет көрсету процесі уақытша тоқтап, азаматтар үшін қажетті мемлекеттік қызметтерді алу мүмкіндігі шектелді. Бұл мәселе еліміздің түрлі аймақтарындағы Халыққа қызмет көрсету орталықтарының жұмысын қиындатты.
«Азаматтар үшін Үкімет» өкілдері бұл жағдайға байланысты түсініктеме беріп, техникалық ақаулардың қазіргі уақытта толықтай жойылғанын және барлық қызметтердің қайтадан штаттық режимде жұмыс істеп жатқанын хабарлады. Сонымен қатар, мұндай жағдайлардың алдын алу үшін жүйені жаңарту және қосымша шаралар қабылдау жоспары бар екені айтылды.
Бұл оқиға азаматтарға мемлекеттік қызметтерді алу барысында ыңғайсыздық туғызғанымен, қазіргі таңда ХҚКО-дары қайтадан қалыпты жұмыс режиміне көшті, және азаматтар өздеріне қажетті қызметтерді еш қиындықсыз ала алады.