Қазақстанда орташа зейнетақы мөлшері - 35,7 мың теңге, алайда елімізде 900 мың теңгеден артық алатындар да бар. Бұл туралы БЖЗҚ мәлімдеді, - деп жазады Tengrinews.kz тілшісі.
2025 жылғы 1 тамыздағы жағдай бойынша Қазақстанда жас бойынша берілетін айлық орташа төлем – небәрі 35,7 мың теңге. Дегенмен, ең жоғарғы сомаға шектеу қойылмаған, кейбір азаматтардың зейнетақысы 900 мың теңгеден асады.
Қазақстандағы ең жоғарғы 5 зейнетақы төлемі (2025 жылғы 1 қыркүйекке):
-
993 041 теңге
-
818 818 теңге
-
635 236 теңге
-
565 857 теңге
-
560 437 теңге
Зейнетақы көлемі неге байланысты?
Мамандардың айтуынша, мұндай жоғары төлемдерге бірнеше фактор әсер етеді: табыс деңгейі, жалақыдан тұрақты әрі толық аударымдардың жасалуы.
Жинақтаушы зейнетақы жүйесі әр азаматқа өз қаражатына өзі ықпал етуге мүмкіндік береді. Міндетті 10 пайыз аударым жеткіліксіз болса, адамдар қосымша ерікті жарналар аудара алады.
БЖЗҚ мәліметінше, 2025 жылғы ақпанда Қазақстандағы ең жоғары зейнетақы 993 040 теңге болған – қазіргі көрсеткіштен небәрі 1 теңгеге көп. Ал орташа айлық төлем аса өзгермеген: жыл басындағы 35,5 мың теңгеден 35,7 мың теңгеге ғана өскен.
Бұған дейін БЖЗҚ активтерді инвестициялық басқаруға қатысты шолуда кірістің төмендегенін мәлімдеген. 2025 жылғы қаңтарда инвестициялық табыс теріс көрсеткішке түсіп, минус 284,86 миллиард теңге болды.