ҚР Денсаулық сақтау министрлігі қатыгездіктің болуын бағалау өлшемшарттарын жетілдіру бойынша жұмыс жүргізді
Нормативтік құқықтық актілерді жетілдіру мақсатында және азаптауларды және басқа да қатыгез, адамгершілікке жатпайтын немесе ар-намысты қорлайтын өтініш түрлерін тиімді тергеу және құжаттау жөніндегі БҰҰ Стамбул хаттамасының нормаларын имплементациялау жөнінде шаралар қабылдау шеңберінде және тұрмыстық зорлық-зомбылықтың профилактикасы жөнінде есепке алу мен шаралар қабылдау үшін Денсаулық сақтау министрлігі «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» ҚР ДСМ-нің 2020 жылғы 30 қазандағы № ҚР ДСМ-175/2020 бұйрығына өзгерістер мен толықтырулар енгізу туралы» 2022 жылғы 1 шілдедегі № ҚР ДСМ-62 бұйрығын бекітті, оған осы дене жарақаттарын есепке алу бөлігінде өзгерістер мен толықтырулар енгізілді.
Мәселен, № 001/е «Стационарлық пациенттің медициналық картасы» есептік нысанына №__ 12 «Стационарлық жағдайларда медициналық көмек көрсететін денсаулық сақтау ұйымына дене жарақатын алу және (немесе) психологиялық әсер ету жөнінде жүгінген (түскен) кезде медициналық қарап-тексеру картасы» қосымша парағымен толықтырылды.
№ 052/е «Амбулаториялық пациенттің медициналық картасы» есепке алу нысанына №_ 8 «Стационарлық жағдайларда медициналық көмек көрсететін денсаулық сақтау ұйымына дене жарақатын алу және (немесе) психологиялық әсер ету жөнінде жүгінген (түскен) кезде медициналық қарап-тексеру картасы» қосымша парағымен толықтырылды;
Осы бұйрықтың 8-қосымшасы «Қатыгездік нәтижесінде дене жарақатын және (немесе) психологиялық әсерді құжаттау жөніндегі нұсқаулықпен» қолданыстағы бұйрыққа 10-қосымшамен толықтырылды.
Енгізілген толықтырулар «Халық денсаулығы және денсаулық сақтау жүйесі туралы» Қазақстан Республикасының Кодексі 7-бабының 31) және 33) тармақтарына, сондай-ақ ҚР «Қазақстан Республикасының азаптауларға және басқа да қатыгез, адамгершілікке жатпайтын және ар-намысты қорлайтын қарым-қатынас пен жаза түрлеріне қарсы конвенцияға қосылуы туралы» заңына сәйкес регламенттелген.
Енді денсаулық сақтау ұйымдарына медициналық көмекке жүгінген адамдар бойынша дене жарақатына немесе психологиялық әсерге күдік болған кезде, тұрмыстық зорлық-зомбылықтың, азаптаудың және басқа да қатыгез, адамгершілікке жатпайтын немесе ар-намысты қорлайтын емдеу түрлерінің алдын алу шараларын қабылдау үшін, нысандар толтырылып, тиісті органдарға жіберілетін болады.