Қазақстанда блогерлерге бақылау күшейе ме?
AMANAT фракциясының депутаттары инфлюенсерлер мен әлеуметтік желілердегі заңсыз лотереялар мен гивтерді ұйымдастырушыларға қатаң бақылау енгізуді ұсынады, деп хабарлайды aqshamnews.kz.
Депутат Ерлан Сайыров блогерлер мен коучтардың әлеуметтік желілерде жазылушылар есебінен заңсыз ақша тауып отырғанын айтты. Бір жыл ішінде 100-ден астам осындай ұтыс ойыны анықталып, олардың ұйымдастырушыларына 46 миллион теңге айыппұл салынған.
«Олар билет пен түбіртектерді сатып, туристік жолдамалар, техника, зергерлік бұйымдар, люкс жылжымайтын мүлік пен автомобильдерді сату түрінде конкурстар өткізеді. Мұндай күмәнді акциялар заңсыз», – деді депутат өз баяндамасында.
Мәжілісмендер блогерлердің табысына салық салу мәселесін көтерді. Сайыров мұндай тәжірибе АҚШ, Ұлыбритания және Қытайда бар екенін атап өтті, ал кейбір елдерде салық мөлшерлемесі 40%-ға дейін жетеді екен.