Еліміздегі Зайсан, Қатонқарағай және Кендірлі аймақтарында жаңа әуежайлар салынады. Бұл туралы Президент Қасым-Жомарт Тоқаевтың қатысуымен өткен Үкіметтің кеңейтілген отырысында Премьер-Министр Олжас Бектенов мәлімдеді. Жаңа әуежайлар курорттық аймақтардың туристік әлеуетін арттыру мақсатында салынбақ, деп хабарлайды aqshamnews.kz
– «Авиациялық инфрақұрылымы бар ұшу-қону жолақтарының құрылысы Зайсан, Қатонқарағай және Кендірлі аймақтарында жүзеге асады. Бұл танымал демалыс орындарының туристік тартымдылығын айтарлықтай арттырады», – деді Бектенов.
Сонымен қатар, еліміздің көлік-логистикалық әлеуетін дамыту мақсатында Ақтауда әуе хабын құру жобасы қарастырылуда. Теміржол инфрақұрылымы бойынша маңызды жобалар қатарында:
«Мойынты – Қызылжар» теміржол желісінің құрылысы;
«Алтынкөл – Жетіген» учаскесінің екінші жолдарының салынуы.
Бұдан бөлек, биыл «Достық – Мойынты» теміржолы мен Алматы қаласының айналма жолының құрылысы аяқталуы жоспарланып отыр.
Бұл жобалар елдің инфрақұрылымын дамытып, туризм мен логистика салаларының әлеуетін арттыруға бағытталған.