Қазақстан Үкіметі 2025 жылы тұрғын үй құрылысын дамыту мақсатында 500 млрд теңге бөлу туралы шешім қабылдады. Бұл туралы Өнеркәсіп және құрылыс министрі Ерсайын Нағаспаев Үкімет отырысында мәлімдеді, деп хабарлайды aqshamnews.kz
2025 жылға дейін 19 миллион шаршы метр тұрғын үйді пайдалануға беру жоспарланған. Бұл мақсатқа жету үшін «Бәйтерек» арқылы қосымша қаражат бөлінеді. Министрдің айтуынша, бөлінген қаражат бірнеше бағыт бойынша жұмсалмақ.
Қаражаттың бөліну жоспарлары:
-
Жалға берілетін пәтерлерді сатып алу – 300 млрд теңге: Бұл қаражат 21 мың жалға берілетін пәтерлердің сатып алуына жұмсалады. Бұл тұрғын үй бағдарламасы әлеуметтік жағдайы төмен және көп балалы отбасылар үшін үлкен мүмкіндік болып табылады.
-
Инженерлік-коммуникациялық инфрақұрылымға – 120 млрд теңге: Құрылыс жұмыстарын толыққанды жүзеге асыру үшін инженерлік инфрақұрылым маңызды рөл атқарады. Бұл қаражат елдегі тұрғын үй құрылысын дамыту мен сапасын арттыруға бағытталған.
-
Отбасы Банкінің ипотекалық бағдарламаларына – 80 млрд теңге: «2-10-20» және «5-10-20» бағдарламалары бойынша 80 млрд теңге бөлінеді. Бұл ипотекалық бағдарламалар жастарға, көпбалалы отбасыларға және әлеуметтік тұрғыда аз қамтылған азаматтарға қолжетімді әрі жеңіл шарттармен ипотека алуға мүмкіндік береді.
Бұл шаралар тұрғын үй мәселесін шешуге және азаматтардың тұрмыс деңгейін жақсартуға бағытталған. Құрылыс саласының қарқынды дамуы тұрғын үй нарығын тұрақтандыруға, халықтың әлеуметтік жағдайын жақсартуға және жаңа жұмыс орындарын ашуға мүмкіндік береді.
Қазақстанның әрбір азаматының қолжетімді және сапалы тұрғын үйге ие болуына жағдай жасау – Үкіметтің басты міндеті болып табылады.