Қазақстанда ескі банкноттар жаңа үлгідегі купюраларға ауыстырылып жатыр. Қазақстан Ұлттық банкі 1000, 2000, 5000 және 10 000 теңгелік ескі банкноттардың параллель айналымнан шығатын мерзімдерін жариялады, - деп хабарлайды Aqshamnews.kz тілшісі.
Ұлттық банкте бүгінгі таңда айналымда 1000, 2000 және 10 000 теңгелік жаңа үлгідегі банкноттар бар екенін еске салды. Ескі купюралар үшін параллель айналымды тоқтату мерзімдері:
-
2000 теңгелік банкноттар — 2026 жылғы 24 маусымға дейін;
-
10 000 теңгелік банкноттар — 2026 жылғы 27 маусымға дейін;
-
1000 теңгелік банкноттар — 2027 жылғы 27 наурызға дейін.
Бұған қоса, Ұлттық банк 2025 жылғы 24 қыркүйектен бастап 2011 жылғы үлгідегі 5000 теңгелік банкноттардың параллель айналымы тоқтатылатынын еске салды.
"Параллель айналым кезеңі аяқталғаннан кейін, яғни 2025 жылғы 25 қыркүйектен бастап барлық банктер мен "Қазпошта" ескі үлгідегі банкноттарды жаңа үлгідегілеріне 3 жыл бойы айырбастайды, ал Ұлттық банктің филиалдары оларды мерзімсіз қабылдайды", - деп нақтылады Ұлттық банк.