Өткен жылдың қыркүйегінде Қазақстандағы жоғары оқу орындарында 592,7 мың студент білім алып, бұл алдыңғы жылмен салыстырғанда 2,5%-ға көп болды, деп хабарлайды aqshamnews.kz.
Бір жыл ішінде қабылданған студенттер саны 5%-ға өсіп, 171,7 мың адамға жеткенімен, түлектер саны 3%-ға азайып, 157,7 мың адамды құрады.
"Өткен оқу жылында қабылданған барлық студенттердің ішінде 68,2 мың адам мемлекеттік білім гранттары есебінен оқыса, 98,8 мың адам ақылы негізде білім алды", – деп қосты сарапшылар.
Студенттердің оқуын аяқтамай кетуінің негізгі себептерінің бірі – оқу құнының өсуі. Ашық деректерге сәйкес, 2010 жылдан бастап бакалавриатта оқу жылына кететін шығын екі еседен астам өскен – 450 мың теңгеден 1,1 миллион теңгеге дейін.
"Көбінесе студенттер оқу орындарын өз еркімен тастап кеткен: 18,7 мың адам, жылдық қысқару – 2,9%. Ең жиі кездесетін себептердің қатарында басқа оқу орындарына ауысу (13,4 мың адам, 27,5%-ға өсу) және үлгермеушілік (11,8 мың адам, 1%-ға өсу) бар", – деп атап өтті сарапшылар.