Қазақстанда қантты сусындарға салық енгізу мүмкіндігі қарастырылып жатқанын Денсаулық сақтау вице-министрі Тимур Сұлтанғазиев мәлім етті, деп хабарлайды aqshamnews.kz.
Оның айтуынша, күнделікті тәтті сусындарды тұтынатын балалардың үлесі 20%-ды құрайды, бұл семіздік, қант диабеті, жүрек-қан тамырлары аурулары және тіпті онкологиялық аурулардың пайда болуына себепкер болады.
Қантты энергетикалық сусындар, газдалған сусындар және қант қосылған шырындарға 1 литр үшін 100 теңге көлемінде акциз салығы енгізілуі мүмкін. Мұндай шаралар қазіргі уақытта 115 елде, соның ішінде Ресей мен Қырғызстанда қабылданған. Бұл қадам денсаулық сақтау концепциясының бір бөлігі ретінде 2026 жылға дейін жүзеге асырылуы жоспарланып отыр.