Бұл туралы Мәжіліс отырысында Ұлттық экономика министрі Нұрлан Байбазаров Қазақстанда шағын бизнеске қолдау көрсету үшін бөлшек сауда салығы модернизацияланатынын айтты, деп хабарлайды aqshamnews.kz.
Ол салықтың жойылмайтынын, бизнестің қажеттілігіне қарай бейімделетінін атап өтті. Оның айтуынша, бөлшек сауда салығы екі жылдан бері жұмыс істеп келеді, бизнес соған үйреніп қалған.
Жаңа Салық кодексі аясында салықтық арнайы режимдерді оңтайландыру ұсынылған, оның ішінде бөлшек сауда салығы "Шағын бизнес режимі" деп қайта аталады.
Байбазаровтың сөзінше, модернизацияның мақсаты — көбірек шағын кәсіпорындарды қамту және ҚҚС төлемейтіндер үшін қызмет түрлерін кеңейту.
Нәтижесінде, алты салықтық режимнің орнына үш режим қалатын болады: өзін-өзі жұмыспен қамтығандар, шағын бизнес және аграрлық сектор.