Қазақстанда табиғат қорғаушылар мен экология саласындағы мамандардың ұзақ күткен жұмысы аяқталды – елімізде мекендейтін сирек кездесетін жан-жануарлардың тізімі қайта жаңартылып, «Қызыл кітаптың» жаңа басылымы шығады, деп хабарлайды aqshamnews.kz.
Жаңа басылымға жалпы 217 жан-жануар енген. Бұл ретте экологиялық жағдайдың өзгеруі мен табиғи ортаны қорғаудың маңыздылығын ескере отырып, бұрынғы басылыммен салыстырғанда тізім жаңа түрлермен толықты.
Жаңа түрлердің қосылуы
Жаңа басылымға Қазақстанда сирек кездесетін және жоғалып кету қаупі төнген 11 түрі қосылды. Олардың қатарында жыртқыш құстар мен қандала түрлерінің кейбіреулері ерекше орын алады. Мысалы, ақбас құмай мен құмай құсы алғаш рет «Қызыл кітапқа» енген түрлердің қатарына кіреді. Бұдан бөлек, қамыс мысығы, қара лашын, сондай-ақ шаянның үш түрі ерекше қорғауға алынды.
Бұл жаңалық экология саласында үлкен маңызға ие, себебі осы жан-жануарлар мен өсімдіктердің тіршілік ету ортасы азайып, кейбірі жойылып кету қаупі алдында тұр. Осы жағдайларды ескере отырып, мемлекеттік және қоғамдық ұйымдар оларды қорғау шараларын күшейтуді жоспарлап отыр.
Жан-жануарлардың саны көбейген түрлері
Қуантарлығы, «Қызыл кітаптан» 19 түрі алынған. Бұл түрлердің саны көбейіп, жойылып кету қаупі азайғандығын білдіреді. Көбіне бұл тізімге жәндіктердің түрлері кіреді. Әзірге олар үшін қауіп төнбейді және экологиялық жағдай жақсарып келеді.