Соңғы 5 жылдың ішінде Қазақстанға 20 887 800 шетел азаматы келген.
ІММ-нің статистикасына сәйкес, елімізде қазір 137 702 шетел азаматы тұрақты тұрып жатыр, деп хабарлайды Almaty-akshamy.kz
Бүгінде елімізде 137 702 шетел азаматы тұрып жатыр. Одан бөлек, соңғы 5 жылдың ішінде Қазақстанға 20 887 800 шетел азаматы келген. Бұл туралы ҚР Парламенті Мәжілісінің депутаты Ерлан Смайлов мәлім етті.
«Соңғы 5 жылдың ішінде (2017-2021 жж) 127 415 адам Қазақстан азаматтығын алған. Оның ішінде 7 731 ҚР Президентінің Жарлығына сәйкес, 19 684 жеңілдетілген түрде және 106 052 этникалық қандас. Сондай-ақ, соңғы бес жылдың ішінде елімізде 20 877 800 шетел азаматы болды, оның 1 539 417 алыс шетелден келсе және 19 338 383 - ТМД елдерінің азаматтары. Одан бөлек, аталған уақыт ішінде Қазақстанға келген 395 755 шетел азаматы әкімшілік жауапкершілікке тартылыпты. Оның қатарында 18 683 алыс елдер азаматы бар, қалған 377 072 ТМД азаматы. Бүгінде елімізде ІММ-нің статистикасына сәйкес 137 702 шетел азаматы тұрақты тұрып жатыр. Сол сияқты биылғы есеп бойынша 25 176 қандас тұр», - деді Ерлан Смайлов Мәжілістің заңнама және сот-құқықтық реформа комитетінің отырысында жасаған баяндамасында.