Медициналық медбикелер мен мейіргерлерге сұраныс жоғары.
Қазақстанның еңбек нарығында медициналық медбикелер мен мейіргерлерге, санитарлар, тәрбиешілер мен олардың көмекшілеріне сұраныс жоғары болып отыр, деп хабарлайды Almaty-akshamy.kz.
«Ағымдағы жылдың наурыз айының қорытындысы бойынша, ЭЕБ-да өте тапшы медициналық медбикелер мен мейіргерлер, санитарлар, тәрбиешілер мен олардың көмекшілері болды. Бұл мамандар үшін қамтылмаған қажеттілік 4,6 мыңды құрады. Сондай-ақ, жүргізушілер (2 мың бос орын), күзетшілер (1,6 мың бос орын), консультант-сатушылар (618 бос орын) және электромонтерлар (674 бос орын) сұранысқа ие болды», - делінген Еңбекмині баспасөз қызметінің хабарламасында.
2022 жылғы наурызда Электрондық еңбек биржасында 72,7 мың бос жұмыс орны және 48,8 мың түйіндеме орналастырылды. Өткен аймен салыстырғанда, жарияланған бос орындар санының шамалы өсуі (+0,5%) және ізденушілер тарапынан белсенділіктің күрт төмендеуі (-11%) байқалады.
Осылайша, егер ағымдағы жылдың ақпан айында бос орындар саны түйіндеме санынан 32%-ға асып кетсе, наурыз айында бос орындар мен ізденушілер арасындағы алшақтық шамамен 50%-ды құрады.
«Өңірлік бөліністе бос орындар саны Жамбыл (+28% немесе 3,4 мың бос орынға дейін), Павлодар (+22% – 5,9 мың бос орынға дейін), Солтүстік Қазақстан (+14% – 2,5 мың бос орынға дейін) және Батыс Қазақстан (+12% – 3 мың бос орынға дейін) облыстарында өсті.
Наурызда ерлер мен әйелдер тең жұмыс іздеді. Бұл ретте жас бөлінісінде, алдыңғы айдағыдай, ізденушілердің үштен бірі жастар арасынан, ал әрбір төртінші – неғұрлым жетілген жаста (46 жас және одан жоғары) болды.
«Сонымен қатар, ЭЕБ мәліметтері бойынша, наурыз айында жұмыс күшіне сұраныс пен ұсыныстың теңгерімсіздігі байқалды. Мәселен, егер жалпы нарықта орта білікті мамандарға сұраныс басым болса (54%), онда осы санаттағы ұсыныс бар болғаны 38%-ды құрайды. Бұл ретте біліктілігі төмен мамандар үшін кері жағдай қалыптасып отыр-сұраныс 21% болған кезде ұсыныс шамамен 35%-ды құрайды. Жоғары білікті кадрлар үшін түйіндемелер мен бос жұмыс орындарының саны тең үлесті құрайды: тиісінше 26% және 25%», – деп атап өтті «Еңбек ресурстарын дамыту орталығы» АҚ Басқарушы директоры Александра Молчановская.