Шектеулер мерзімі бекітілді
Биылғы 30 қыркүйекке дейін Қазақстан аумағынан күнбағыс дәнін әкетуге квоталар енгізілуде. Бұл туралы Мемлекеттік кірістер комитеті мәлімдеді, деп хабарлайды Almaty-akshamy.kz ҚазАқпарат-қа сілтеме жасап.
«Қазақстан аумағынан жекелеген тауарларды әкетудің кейбір мәселелері туралы» Ауыл шаруашылығы министрінің м.а. 5 шілдедегі бұйрығымен күнбағыс дәндерін ел аумағынан әкетуге сандық шектеулер (квоталар) енгізіледі. Шектеулер 2022 жылғы 8 шілдеден бастап 30 қыркүйекке дейін қолданыста болады. Бұл сандық шектеулер азық-түлік қауіпсіздігін қамтамасыз ету мақсатында енгізіледі», - деп жазды ведомстводан.
Бұл ретте бұйрық қолданысқа енгізілген күнге дейін ҚР және ЕАЭО кедендік заңнамасына сәйкес экспорттың кедендік рәсімі бойынша орналастырылған және шығарылған тауарлар Қазақстан аумағынан кедергісіз әкетуге жатады.