Орта есеппен 493,1 мың отбасы қамтылды.
Қазақстан Үкіметі жыл басынан бері көп балалы отбасыларға 83 млрд теңгеге жуық көмек берген, деп хабарлайды Almaty-akshamy.kz.
«2022 жылдың басынан бастап көп балалы отбасыларға берілетін мемлекеттік жәрдемақы төлемдерімен жалпы сомасы 82,2 млрд теңгеге орта есеппен 493,1 мың отбасы қамтылды, оның ішінде наурыз айында 499,3 мың отбасы жалпы сомасы 27,8 млрд теңге жәрдемақы алды», - делінген Еңбекмині баспасөз қызметінің хабарламасында.
Аталған мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.
Төлем мөлшері балалардың санына байланысты сараланып төленеді және 2022 жылы 4 балаға - 49 100 теңгені, 5 балаға - 61 383 теңгені, 6 балаға - 73 666 теңгені, 7 балаға - 85 948 теңгені, 8 балаға – 98 016 теңгені, 9 балаға – 110 268 теңгені, 10 балаға – 122 520 теңгені, 11 балаға – 134 772 теңгені, 12 балаға – 147 024 теңгені, 13 балаға – 159 276 теңгені, 14 балаға – 171 528 теңгені, 15 балаға – 183 780 теңгені, 16 балаға – 196 032 теңгені немесе әр балаға 12 252 теңгені құрайды.
Еске сала кетейік, көп балалы отбасыларға олардың кірістерін есепке алмай берілетін мемлекеттік жәрдемақы Қазақстанда 2020 жылдың 1 қаңтарынан бастап атаулы әлеуметтік көмек көрсетудің жаңа тетіктерінде көзделген табысы аз және көп балалы отбасыларды қолдаудың үш негізгі бағыты шеңберінде енгізілген болатын.