Алматы қаласындағы 28 гвардияшы-панфиловшылар саябағында Ұлы Отан соғысындағы Жеңістің 80 жылдығына арналған алғашқы салтанатты шара өтті. Гүл шоқтарын қою рәсімінде соғыс батырлары еске алынып, оларға тағзым жасалды.
Шараға Қорғаныс министрлігінің басшылығы, әскери қызметшілер, курсанттар, "Жас сарбаз" тәрбиеленушілері және басқа да азаматтар қатысты. Бұл рәсім Қорғаныс министрлігінің ауқымды мерекелік іс-шараларына ресми бастама болды.
Салтанатты рәсімнен кейін генерал-майор Ш.-Х. Жазықбаев 101 жастағы ардагер А. Поповтың үйіне барып, Жеңістің 80 жылдығымен құттықтап, құрмет көрсетті.
