"Ұмай" ипотека бағдарламасы 2025 жылдың екінші жартысында қайта іске қосылмақ. Бұл туралы "Отбасы банк" пен Азия даму банкі арасында тиісті келісімге қол қойылды, деп хабарлайды aqshamnews.kz
«Біз бұл кредит бойынша ставканың барынша төмен болуына тырысамыз. Сондықтан қаржыландырудың ыңғайлы сәтін және тиімді пайыздық мөлшерлемені таңдаймыз», — деп мәлімдеді «Отбасы банк» басқарма төрайымы Ляззат Ибрагимова.
"Ұмай" ипотекасының ерекшеліктері:
Бағдарлама 2021-2023 жылдар аралығында жұмыс істеген. Бұрынғы шарттар бойынша:
- Пайыздық мөлшерлеме — 14,4%.
- Бастапқы жарна — 15-20%.
- Несие сомасы — 30 млн теңгеге дейін.
- Қарыз мерзімі — 25 жылға дейін.
Жаңа ипотека ерекшеліктері:
- Бұрын тек Астана, Алматы, Ақтау және Атырау қалаларында жұмыс істесе, енді барлық қалаларда қолжетімді болады.
- Бағдарламаға кез келген отбасылық жағдайдағы, кез келген салада жұмыс істейтін әйелдер қатыса алады.
- Қатысушылар кез келген жылжымайтын мүлікті (жаңа немесе екінші нарықтағы) сатып ала алады.
Бағдарлама қайта іске қосылған кезде пайыздық мөлшерлеме мен шарттар нақты белгіленеді.