Ұлттық банкінің антифрод-орталығы соңғы жарты жылда елімізде 17 802 алаяқтық оқиғасы тіркеліп, 1,5 миллиард теңге көлемінде операциялар бұғатталды, деп хабарлайды aqshamnews.kz
Құрбандардың бір бөлігіне 88,9 миллион теңге қайтарылғаны туралы Ұлттық банк баспасөз қызметі мәлімдеді. Антифрод-орталықтың мәліметінше, Қазақстанда ең көп таралған алаяқтық түрлері мыналар:
- Телефон алаяқтығы – 26,2% жалпы оқиғалардың саны;
- Жалған инвестициялар – 19,5%;
- Әлеуметтік желілер мен мессенджерлер арқылы алаяқтық – 15,9%.
«Қаржы ұйымдары заң талаптарына сәйкес, операцияларды тоқтату немесе шоттағы ақшаны бұғаттау құқығына ие», деп жазды Ұлттық банк қызметі.