Қазақстанда бензин өндірісі артты, ал жанармай бағасы салыстырмалы түрде көтерілген жоқ.
2024 жылдың қаңтарынан тамызына дейін Қазақстан 3,5 млн тонна бензин өндіріліпті. Салыстырмалы түрде өткен жылдың осы кезеңіне қарағанда 1,8%-ға артық өнім өндірілген. Бұл туралы Energyprom.kz деректеріне сілтеме жасап aqshamnews.kz хабарлайды.
Бензин өндіретін орындардың негізгі бөлігі үш аймақта шоғырланған: Шымкент, Атырау және Павлодар облыстары. Шымкент 1,3 млн тонна, Атырау 1,2 млн тонна, ал Павлодар шамамен 980 мың тонна өнім өндірген.
2024 жылдың тамызында бензин бағасы өткен жылмен салыстырғанда 0,8%-ға өскен. АИ-98 13,1%-ға қымбаттаса, АИ-95/АИ-96 - 5%-ға көтерілген. Ал АИ-92 бағасы өзгеріссіз қалды. Өзге өңірлерге қарағанда Батыс Қазақстан облысында бензин құны жоғары көтерілгені байқалады. Мұнда бензин 2,8%-ға қымбаттаған.
Қазақстанның орташа айлық жалақысына 1 200 литр бензин сатып алуға болады. Бұлай салыстыратын болсақ, әлемнің 97 елінің арасында 32-ші, ал ТМД елдері арасында бірінші орынға қояды. Ресейде орташа жалақыға 953 литр, Әзірбайжанда - 703 литр, Беларусьта - 696 литр бензин сатып алуға болады. Өзбекстанда бұл көрсеткіш 442 литр, Молдовада - 434 литр, Арменияда - 433 литр, ал Украинада тек 301 литр.
ТМД елдеріндегі ең қымбат бензин Молдова мен Арменияда - литрі шамамен 1,4 доллар, Украинада - 1,3 доллар. Ең арзан бензин Беларусь, Әзірбайжан және Ресейде - шамамен 0,6 доллар, ал Қазақстанда - шамамен 0,5 доллар.
Жалпы алғанда, Қазақстан ТМД елдері арасында бензиннің сатып алу қабілеті бойынша көшбасшылықты сақтап келеді.