Қазақстанда Астана деген есімі бар азаматтардың нақты саны белгілі болды.
Ұлттық статистика бюросының мәліметінше, елімізде Астана есімі 24 адамға берілген. Олардың ішінде 17-сі ер адам болса, 7-еуі әйел адам.
Астана есімді тұрғындар негізінен Павлодар, Солтүстік Қазақстан және Түркістан облыстарында тұрады.
Сонымен қатар, елорда атауын қамтитын ерекше есімдер де тіркелген. Олардың қатарында:
• Астанабек
• Астанадин
• Астанай
• Астанақұл
• Астанали
• Астанахан
• Астанат
• Ерастанахан
• Нұрастана
• Саммидастана
• Элин Астана
• Ару-Астана
Бұл есімдердің бәрі елорданың құрметіне қойылған. Сарапшылардың айтуынша, мұндай есімдер көбіне маңызды тарихи оқиғалармен немесе елдік маңызға ие күндермен байланысты болып келеді.
Айта кетейік, бұған дейін де Бәйтерек, Тәуелсіздік, Елорда, Алаш, Атамекен сияқты символикалық мәні бар есімдер ел аумағында тіркелген.