Қазақстанда жылы ауа райы жалғасып, 20 қаңтар күні елорда мен Алматы және Шымкент қалаларында ауа температурасы көтерілетіні күтілуде. Бұл туралы Aqshamnews.kz хабарлайды.
Астана
Елордада 20 қаңтар күні ауа райы бұлтты, кей уақыттарда қар жауып, боран соғады. Күндіз көктайғақ күтіледі. Оңтүстік-батыстан және оңтүстіктен соғатын желдің жылдамдығы 9-14 м/с, кейде екпіні 15-20 м/с-қа жетуі мүмкін. Түнде ауа температурасы -2...-4°С, ал күндіз 0...-2°С шамасында болады.
Алматы
Алматыда 19-20 қаңтар түнінде салқын, бірақ негізінен құрғақ ауа райы күтіледі. Түнде температура -4°С-қа дейін төмендейді, ауа ылғалдылығы шамамен 84% болып, ылғалды суық сезіледі. Таңертең ауа температурасы 0°С-ты құраса, күндіз +1°С-қа дейін көтеріледі. Кешке қайтадан 0°С-қа төмендейді.
Шымкент
Шымкентте 20 қаңтар күні ауа райы ашық болады деп болжануда. Жауын-шашын болмайды. Оңтүстік-батыстан жел соғып, жылдамдығы 8-13 м/с болады. Түнде ауа температурасы -1...+1°С аралығында болса, күндіз +8...+10°С дейін көтеріледі.