Оларға 4 млрд 234,1 млн теңге төленді.
Қазақстан Үкіметі жыл басынан бері қанша азаматтың еңбек құқығы қорғалғанын айтты, деп хабарлайды Almaty-akshamy.kz.
Биылғы жылғы 1 қарашадағы жағдай бойынша, мемлекеттік еңбек инспекторлары республиканың 781 кәсіпорнында 18,9 мың жұмыскердің алдында 4 млрд 359,2 млн теңгеден астам сомаға жалақы бойынша берешекті анықтады.
Осы кәсіпорындардың басшыларына орындалуы міндетті 719 нұсқама беріліп, 130,1 млн теңгеден астам сомаға айыппұл салынды.
Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 17,2 мыңнан астам жұмыскердің құқықтары қорғалды. Оларға 4 млрд 234,1 млн теңге төленді.