Қазақстан Ыстықкөл жағалауындағы төрт демалыс аймағынан айырылып қалуы ықтимал, деп хабарлайды aqshamnews.kz Kaktus Media-ға сілтеме жасап хабарлайды.
2025 жылдың 14 сәуірінде Қырғыз Республикасының Жогорку Кенешіндегі халықаралық істер жөніндегі комитеті екі ел арасындағы келісімге өзгерістер енгізу туралы заң жобасын үш оқылымда қабылдады.
Қырғызстанның экономика және коммерция вице-министрі Искендер Асылкуловтың айтуынша, Қазақстан 2006 жылы жасалған келісім негізінде Ыстықкөлдегі бірқатар демалыс аймағын жалға алған. Оларға:
-
«Олимп» спорттық-сауықтыру орталығы,
-
«Самал» пансионаты,
-
«Университет» лагері
-
«Қазақстан» санаторийі кіреді.
Бастапқы келісімде бұл нысандарды жаңғырту міндеті болғанымен, нақты талаптар мен жауапкершілік тетіктері анық көрсетілмеген. 2009 жылы тараптар 49 жылға жер телімдерін жалға беру туралы қосымша келісімге қол қойды. Ал 2023 жылы Қазақстанның жауапкершілік бөлігін қайта қарап, сол жылдың желтоқсанында жаңа өзгерістер енгізілді.
Негізгі шарттар:
-
Реконструкция мерзімі: 31 желтоқсан 2029 жылға дейін;
-
«Қазақстан» санаторийі – 4 жұлдызды қонақүй деңгейіне дейін жаңғыртылуы тиіс;
-
«Университет» және «Самал» – кем дегенде 3 жұлдыз деңгейіне жетуі керек;
-
«Олимп» – толыққанды спорт базасына айналуы тиіс;
-
Құрылыс пен жөндеу жұмыстарына кемінде 90% қырғызстандық азаматтар тартылуы қажет (бұрын 80% болған).
Міндет орындалмаса не болады?
Егер Қазақстан бес жыл ішінде талаптарды орындамаса, нысандар өтемақысыз Қырғызстанның меншігіне қайтарылады.