«Қазақстан» шахтасы аумағында болған кенші өліміне қатысты тергеу басталды.
Жұмысшының мәйіті трансформатордың жанынан табылған. 24 жастағы жігіттің нақты қандай жағдайда қаза болғаны әзірге белгісіз, деп хабарлайды Almaty-akshamy.kz.
Компания бұл туралы ақпарат беруге асығар емес. Шахта басшылығы жұмыс кестесіне сәйкес 6 қараша – марқұм кеншінің демалыс күні болғанын ғана жария етті. Қазір жұмбақ өлімнің мән-жайы анықталып жатыр. Полиция тергеу жұмыстарын бастап кетті.
Еске салайық, 3 қарашада Қарағандыдағы Ленин атындағы шахтада газ жарылысы болып, 5 адам қаза тапқан еді. Тағы 4 кенші ауруханаға түскен.
«6 қараша күні Қазақстан шахтасының ортасында орналасқан тоқ трансформатының жанында 24 жастағы азаматтың мәйіті табылды. Аталған дерек полицияда тіркелді. Қазіргі уақытта тиісті сараптамалар тағайындалды. Қортындысы бойынша нақты процессуалды шешім қабылданатын болады», - деді Қарағанды облыстық полиция департаментінің баспасөз хатшысы Бақытжан Құдияров.