Қазақстанның спорт тарихында тағы бір жарқын жетістік орын алды. Канадада өткен конькимен жүгіруден Әлем біріншілігінде Қазақстан құрамасы командалық жарыс бойынша қола медаль иеленді, деп хабарлайды Aqshamnews.kz.
Жарыс барысында ел намысын қорғаған қазақстандық спортшылар – Кристина Силаева, Дарья Важенина және Надежда Морозова жоғары нәтижеге қол жеткізді. Үштіктің үйлесімді жұмысы, шеберлігі мен төзімділігі Қазақстан құрамасына жүлделі орынға көтерілуге мүмкіндік берді.
Бұл жетістік – Қазақстанның қысқы спорт түрлерінде дамып келе жатқандығының айқын дәлелі. Айта кетсек, Әлем біріншілігіне әлемнің үздік спортшылары қатысып, жоғары деңгейдегі бәсекелестік көрсетті. Соған қарамастан, Қазақстан құрамасы қарсыластарының арасынан үздік үштікке еніп, ел абыройын тағы бір мәрте асқақтатты.