Алматы қаласының әкімі инфрақұрылымды дамыту және көріктендіру жобаларының іске асу барысымен танысты, деп хабарлайды aqshamnews.kz
Алматының символы саналатын нысанның сәулеттік келбеті сақталды. Іргелес аумақты көріктендіру 2026 жылға жоспарланып отыр.
"Қазақстан" қонақ үйі ғимаратын ауқымды қайта жаңғырту жұмыстары толықтай аяқталды. Қоғамдық аймақтар мен номерлік қор заманауи жайлылық пен сервис стандарттарына сай жаңартылды.
1800-ден астам заманауи жарық шамдары "Қазақстан" қонақ үйі ғимаратының нысанның танымал сәулетін айқындап, кешкі және түнгі уақытта оған айрықша көрініс берді. Жаңа жарық ғимараттың визуалды тартымдылығын арттырып отыр.
Сондай-ақ Шоқан Уәлиханов атындағы сквердің қазіргі жай-күйі тексерілді. Қоғамдық кеңістіктерді дамытуда тұрғындар мен қала қонақтары үшін қолайлылық, қауіпсіздік және тартымдылық басты басымдық болып қала береді.
Сонымен қатар тарихи контексті ескеру және сапалы күтімді қамтамасыз ету маңызды. Барлық жұмыста құрылыстың сәулеттік келбетін сақтау талаптары қатаң сақтала отырып, табиғи және сәндік тастар қолданылып отыр.