Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Қырғыз Республикасының Сыртқы істер министрі Жээнбек Құлубаевпен телефон арқылы сөйлесті, деп хабарлайды aqshamnews.kz.
Сыртқы саяси ведомстволардың басшылары екіжақты ынтымақтастықты одан әрі кеңейтудің қазіргі жағдайы мен перспективаларын талқылап, сондай-ақ өңірлік және халықаралық күн тәртібіндегі өзекті мәселелер бойынша пікір алмасты. Қазақстан мен Қырғызстан арасындағы одақтастық қатынастарды тереңдетуге жан-жақты жәрдемдесуге өзара дайын екендігі білдірілді.
Министрлер сондай-ақ 2025 жылы аса жоғары және жоғары деңгейдегі іс-шаралар кестесін қарастырды.