Қазақстандық мектептерде бірнеше пәнді біріктіру мүмкіндігі берілді. Бұл туралы Ұлттық білім академиясының вице-президенті Руслан Каратабанов мәлімдеді, деп хабарлайды Aqshamnews.kz
Жаңа реформаға сәйкес, мектептер химия, физика және биологияны "жаратылыстану" пәніне, әлем тарихы мен құқық негіздерін "әлеуметтік ғылымдарға", алгебра мен геометрияны "математикаға" біріктіре алады.
Алайда бұл өзгерістер міндетті емес. Егер мектеп басшылығы дәстүрлі оқу жүйесін сақтауды қаласа, пәндерді бұрынғы күйінде қалдыруына болады.
Білім саласындағы бұл жаңашылдық оқушылардың жүктемесін азайтуға, білім беру процесін оңтайландыруға бағытталған. Десе де, мұндай өзгерістер білім сапасына қалай әсер ететіні әзірге белгісіз.