Туринде өтіп жатқан XXXII қысқы Универсиадада Қазақстанның ерлер құрамасы хоккейден алғашқы жеңісіне қол жеткізді. Біздің команда алғашқы ойында Швеция құрамасын 9:2 есебімен ойсырата жеңді, деп хабарлайды aqshamnews.kz
Қазақстан Хоккей федерациясының мәліметінше, алғашқы кезеңде шведтер екі шайба соғып, есепте алға шыққан. Алайда, біздің хоккейшілер бірінші кезеңнің соңына дейін есепті теңестірді.
Екінші кезеңде қазақстандықтар шабуылдарын үдетіп, екі шайба айырмашылығымен алға шықты. Николай Шульга көзге түсті, ал кейіннен Даниил Цыбин дубль жасады.
Үшінші кезеңде біздің команда қарсыласын толықтай жеңіліске ұшыратты. Максим Мусоров, Әділ Бейсембаев, Денис Чапоров және Андрей Буяльский гол соғып, қорытынды есепті белгіледі.
Келесі матч 14 қаңтарда өтеді, онда қазақстандық хоккейшілер Оңтүстік Корея құрамасымен кездеседі.
Әйелдер құрамасының нәтижесі:
Қазақстанның әйелдер құрамасы топтық кезеңдегі алғашқы ойында Жапония командасынан ойсырай жеңілді. Қорытынды есеп — 0:10.
Хоккей турнирі 11-22 қаңтар аралығында Турин маңындағы екі аренада өтуде. Ерлер құрамасы «A» тобында ойнап, алда Корея, Канада және Чехия командаларымен кездеседі.
Матчтар кестесі (Ерлер):
▪️ 14 қаңтар, 20:30 — Қазақстан — Корея
▪️ 16 қаңтар, 00:00 — Канада — Қазақстан
▪️ 17 қаңтар, 00:00 — Қазақстан — Чехия
Әйелдер құрамасы «B» тобында АҚШ пен Чехия командаларына қарсы ойнайды.
Матчтар кестесі (Әйелдер):
▪️ 14 қаңтар, 20:30 — Чехия — Қазақстан
▪️ 16 қаңтар, 20:30 — Қазақстан — АҚШ