Ұлттық статистика бюросының дерегіне сәйкес, 2026 жылғы 1 қаңтардағы жағдай бойынша Қазақстан халқының саны 20 495 975 адамға жетті, деп хабарлайды Aqshamnews.kz тілшісі.
Елде халқы 2 миллионнан асатын екі өңір тіркелген: Алматы қаласы (2 347 924) және Түркістан облысы (2 148 658). Ал 1 миллионнан асатын өңірлер қатарында Астана (1 638 233), Алматы облысы (1 596 331), Шымкент (1 293 648), Жамбыл облысы (1 215 373) және Қарағанды облысы (1 131 287) бар.
Ең аз халық саны Ұлытау облысында байқалған — 218 993 адам. Сонымен қатар көші-қон есебінен халықтың азаюы Жамбыл, Қостанай, Солтүстік Қазақстан, Түркістан, Шығыс Қазақстан, Қарағанды облыстарында және Абай, Жетісу, Ұлытау облыстарында тіркелген.
Статистикаға сай, қала халқы 13 029 803, ал ауыл халқы 7 466 172 адам болды.