Алдағы жылдары бұл көрсеткішті одан әрі арттырмақ.
Биыл Қазақстан Грузия арқылы 2-3 млн тоннаға дейін мұнай тасымалдауды жоспарлап отыр, деп хабарлайды Almaty-akshamy.kz Inbusiness.kz сілтеме жасап.
Грузияның экономика және тұрақты даму министрлігінің мәліметінше, вице-премьер, экономика министрлігінің басшысы Леван Давиташвили Қазақстан Президентінің арнайы өкілі Ержан Қазыханов бастаған қазақстандық делегациямен кездескен.
Қос тарап Грузия мен Қазақстан арасындағы сауда-экономикалық және көлік-логистикалық мәселелерді талқыға салып, бұл салаларда екі елдің әлеуеті жоғары екенін атап өтті.
«Қазақстандық тарап грузин дәлізі бойынша жүк айналымын ұлғайтуға мүдделі. 2022 жылы Қазақстан Грузин дәлізі бойынша 2-3 млн тоннаға дейін мұнай тасымалдауды жоспарлап отыр. Сондай-ақ алдағы жылдары бұл көрсеткішті одан әрі арттырмақ», - делінген хабарламада. Сонымен қатар Еуропаға жүк тасымалдауға барынша дайын екені айтылды.