Экспорт 5%-ға өсіп, $1,9 млрд құрады.
Қазақстан мен Франция арасындағы тауар айналымы 2022 жылғы қаңтар-қыркүйекте 2,5 млрд долларды құрады. Өткен жылдың сәйкес кезеңінде бұл көрсеткіш 2,3 млрд доллар болған. Бұл туралы Almaty-akshamy.kz Ұлттық экономика министрлігіне сілтеме жасап хабарлайды.
2022 жылғы қаңтар-қыркүйекте Қазақстаннан Францияға экспорт 5%-ға өсіп, $1,9 млрд құрады.
Қазақстаннан Францияға экспортталатын негізгі тауарлар: шикі мұнай - $1,7 млрд (үлесі 89,8%), уран - $146,5 млн (7,6%), титан және одан жасалған бұйымдар - $28 млн (1,5%), күкірт - $10,2 млн (0,53%), сутегі, инертті газдар және басқа бейметаллдар - $1,9 млн (0,1%), электр қозғалтқыштары мен генераторлары - $1,3 млн (0,07%).
2022 жылғы қаңтар-қыркүйекте Франциядан Қазақстанға импорт 8,1%-ға өсіп, $512,6 млн құрады.
Франциядан Қазақстанға импортталатын негізгі тауарлар: вакциналар, қанның сарысуы, қан - $40,5 млн (үлесі 7,9%), турбореактивті және турбовинтті қозғалтқыштар, өзге де газ турбиналар - $36,9 млн (7,2%), бөлшек сауда үшін буып-түйілген дәрілік заттар - $36,7 млн (7,2%), көмір электродтары - $22,4 млн (4,4%), радиолокациялық, радионавигациялық аппаратура - $17,1 млн (3,3%), электр трансформаторлары - $15,1 млн (2,9%), хош иісті заттардың қоспалары - $12,7 млн (2,5%), гербицидтер - $11,9 млн (2,3%).