Тізілімде 17 қазақстандық компания бар
ҚР Ауыл шаруашылығы министрлігі мәлімдеуінше, 15 наурыздан бастап Еурокомиссия қазақстандық балық кәсіпорындарын Еуропалық Одақ (ЕО) елдеріне өнімін экспорттау құқығына ие компаниялардың тізіміне енгізу рәсімін қайта бастайды, деп хабарлайды Almaty-akshamy.kz
ҚР Ауыл шаруашылығы министрлігіне Қазақстанның ветеринариялық бақылау жүйесіне деген сенімді қалпына келтіру туралы тиісті хат жолданды.
Енді ЕО-ға балық экспорттау құқығына ие болатын отандық кәсіпорындар көбейеді. Тізім кеңейеді. Тізілімде 17 қазақстандық компания бар.
"Сонымен қатар Еурокомиссия балға қатысты сауалнама жолдады, оны кейін Еуропа нарығына шығаруға болады", - деді Ауыл шаруашылығы министрлігі.
Бұған дейін Брюссельде Ауыл шаруашылығы министрі Ербол Қарашүкеев Еуропа комиссарларымен кездесті. Ол Қазақстанның жоғары сапалы органикалық азық-түлік жеткізушісі бола алатыны туралы айтты. Әңгіме ЕО елдеріне отандық ет, сүт, құс және балық өнімдерін экспорттау туралы болды.
9 наурызда Қазақстан балықтың жекелеген түрлерін экспорттауға тыйым салуды жоспарлап отырғаны белгілі болды.